இதையடுத்து அப்பகுதிக்கு விரைந்த ராணுவத்தினர் பயங்கரவாதிகளை குறிவைத்து அதிரடி தேடுதல் வேட்டை நடத்தினர். இந்த தேடுதல் வேட்டையில் அட்சுங்கா பகுதியில் பதுங்கி இருந்த 35 பயங்கரவாதிகள் கொல்லப்பட்டனர்.

தேடுதல் வேட்டையின் போது பயங்கரவாதிகளால் திருடப்பட்ட கால்நடைகள், இரு சக்கர வாகனங்கள் மற்றும் செல்போன்கள் மீட்கப்பட்டன. மேலும் மிகப்பெரிய அளவில் ஆயுதங்களும், வெடிபொருட்களும் கைப்பற்றப்பட்டன.

பயங்கரவாதிகளுடன் நடந்த இந்த சண்டையில் நைஜீரிய படையினர் யாருக்கும் எந்தவித பாதிப்பும் ஏற்படவில்லை என ராணுவம் தரப்பில் தெரிவிக்கப்பட்டுள்ளது.