மத்திய கிழக்கு நாடுகளில் கொரோனா தொற்றால் மோசமாக பாதிக்கப்பட்ட நாடுகளில் சவுதி அரேபியாவும் ஒன்று. இதனால் அந்த நாட்டு அரசு வைரஸ் பரவலை கட்டுப்படுத்த கடுமையான கட்டுப்பாடுகளை அமல்படுத்தின. 2020-ம் ஆண்டு மார்ச் மாதம் அமல்படுத்தப்பட்ட இந்த கட்டுப்பாடுகள், கொரோனாவின் அடுத்தடுத்த அலைகள் காரணமாக தொடர்ந்து நீட்டிக்கப்பட்டு வந்தது.

இந்த நிலையில் சவுதி அரேபியாவில் கொரோனா பரவல் முழுமையாக கட்டுக்குள் கொண்டு வரப்பட்டுள்ளது. தினசரி பாதிப்பு 500-க்கும் கீழ் குறைந்துள்ளது. இதை தொடர்ந்து நாட்டில் கொரோனா கட்டுப்பாடுகள் அனைத்தும் முழுமையாக நீக்கப்படுவதாக அந்த நாட்டு அரசு அறிவித்துள்ளது. அதன்படி சமூக இடைவெளி கடைப்பிடித்தல், பொது இடங்களில் கட்டாயமாக முக கவசம் அணிதல் உள்ளிட்ட அனைத்து கட்டுப்பாடுகளும் நீக்கப்பட்டுள்ளன.