உலகமெங்கும் உள்ள 150 நாடுகளில் 3 லட்சம் கம்ப்யூட்டர்களில் கடந்த மே மாதம் இணைய தாக்குதல் நடத்தப்பட்டது. இது வங்கிச்சேவையிலும், சுகாதார சேவையிலும் பெரும் பாதிப்பை ஏற்படுத்தியது. பெரும் பொருளாதார இழப்பையும் ஏற்படுத்தியது.

இணைய தாக்குதல் நடத்தி முடக்கிய ஒவ்வொரு கம்ப்யூட்டரையும் மீண்டும் செயல்பட வைப்பதற்கு 300 டாலர் முதல் 600 டாலர் வரையில் பிட்காயின்களை (இணையவழி பணம்) செலுத்துமாறு கணினி திரையில் தோன்றிய வானாகிரை புரோகிராம் கூறியதாக தகவல்கள் வெளியாகின. இந்த இணைய தாக்குதலுக்கு காரணம் வடகொரியாதான் என்று அமெரிக்கா நேற்று குற்றம் சாட்டியது.