பிரான்ஸ் அதிபர் இமானுவேல் மேக்ரான் நேற்று லயான் எனும் நகரில் நடந்த உணவுத் திருவிழாவில் சிறப்பு விருந்தினராகக் கலந்து கொள்ளச் சென்றார். அப்போது, அவர் மீது திடீரென ஒரு முட்டை வீசப்பட்டது.

ஆனால் அதிர்ஷ்டவசமாக அந்த முட்டை அவர் மீது உடைந்து விழாமல் அவரின் தோளில் பட்டு கீழே விழுந்தது. ஒரு விநாடி திகைத்துப்போன அதிபர் நிலைமையை உணர்ந்து கொண்டார். உடனே அதிபரின் மெய்க்காப்பாளர்கள் இருவர் அவரை சுற்றிவளைத்து ஆசுவாசப்படுத்தி நிலைமையை எடுத்துரைத்தனர். அதற்குள் முட்டை வீச்சில் ஈடுபட்ட நபரை போலீசார் அந்த இடத்திலிருந்து அப்புறப்படுத்தினர்.