வைபவி பெந்த்ரே(51), அவரது முன்னாள் கணவர் அசோக் குமார் திரிபாதி (54) மற்றும் அவர்களது மகன் தனுஷ் (22) மற்றும் மகள் ரித்திகா (15) என ஒரே குடும்பத்தை சேர்ந்த 4 பேரும் பரிதாபமாக உயிரிழந்தனர். அந்த பெண்ணும் குழந்தைகளும் தானேயில் வசித்து வந்த நிலையில், அவரது முன்னாள் கணவர் ஒடிசாவில் வசித்து வந்தார்.

வைபவி-அசோக் குமார் தம்பதியினர், தங்களூடைய விவாகரத்துக்குப் பிறகு, அவர்கள் ஒவ்வொரு ஆண்டும் 10 நாட்கள் ஒன்றாக கூடியிருக்க வேண்டும் என்ற கோர்ட்டு உத்தரவுப்படி, இந்த ஆண்டு 10 நாள் விடுமுறைக்காக நேபாளத்திற்கு சுற்றுலா சென்றிருந்தனர்.

இந்நிலையில், விபத்துக்குள்ளான விமானத்தில் மேற்கண்ட 4 இந்தியர்கள், 2 ஜெர்மனியர்கள், 13 நேபாள பயணிகள் மற்றும் 3 விமான ஊழியர்களும் பயணித்தனர்.

இதுவரை 21 பேர் சடலங்களாக மீட்கப்பட்டுள்ள நிலையில், எஞ்சிய ஒருவரின் உடலை மீட்கும் பணியில் மீட்புக்குழு தீவிரமாக ஈடுபட்டுள்ளது. அதிர்ச்சியில் இருந்த அவரது சகோதரி ஊடகங்களிடம் இதுகுறித்து அதிகம் பேசவில்லை.