பாகிஸ்தான் பிரதமர் இம்ரான் கானுக்கு எதிராக அந்நாட்டின் எதிர்கட்சிகள் நம்பிக்கையில்லா தீர்மானத்தின் மீது இன்று வாக்கெடுப்பு நடக்கவுள்ளது. இந்த வாக்கெடுப்பை முன்னிட்டு இம்ரான் கான் நேற்று இரவு நாட்டு மக்களிடம் உரையாற்றினார்.

அதில், தனது ஆட்சி நம்பிக்கையில்லா வாக்கெடுப்பை சந்திப்பதற்கு அமெரிக்க வல்லரசே காரணம் என்று குற்றம் சுமத்தியவர், இந்தியாவைவும், இந்திய வெளியுறவு கொள்கைகளையும் புகழ்ந்து பேசினார். இம்ரான் கான் கூறுகையில், இந்தியாவுக்கு எந்த ஒரு வல்லரசு நாடும் பாடம் எடுக்க முடியாது. பொருளாதார தடைகள் விதித்திருந்த போதும் கூட ரஷியாவிடம் இருந்து இந்தியா கச்சா எண்ணெய் வாங்குகிறது என்றார்.