இந்த விவகாரத்தை பொறுத்தவரை சர்வதேச கோர்ட்டை இந்தியா அரசியல் மேடையாக்கிவிட்டது என்று வாதிட்டது. இரு தரப்பு வாதங்களையும் கேட்ட சர்வதேச நீதிமன்றம் பாகிஸ்தான் குல்பூஷண் ஜாதவிற்கு விதித்த மரண தண்டனையை தடை செய்து உத்தரவிட்டது.

வியன்னா ஒப்பந்தப்படி இந்தியா குல்பூஷண் ஜாதவ்வை சந்திக்க தூதரக அணுகுமுறைக்கு பாகிஸ்தான் அனுமதி வழங்க வேண்டும் எனவும் உத்தரவிட்டது. ஆனால் இதுவரையில் இந்தியா தூதரக ரீதியில் குல்பூஷண் ஜாதவை அணுக பாகிஸ்தான் அனுமதிக்கவில்லை.

இப்போது இவ்விவகாரம் தொடர்பாக இந்தியா மற்றும் பாகிஸ்தான் தங்கள் தரப்பு பதிலை தெரிவிக்க கால அவகாசத்தை சர்வதேச நீதிமன்றம் நிர்ணயம் செய்து உள்ளது. இந்தியா மற்றும் பாகிஸ்தான் முறையே 17 ஏப்ரல் 2018 மற்றும் 17 ஜூலை 2018-ல் தங்கள் தரப்பு பதிலை தெரிவிக்க வேண்டும் என்று கேட்டுக் கொண்டு உள்ளது. இருதரப்பு பதில் மற்றும் வழக்கின் சூழ்நிலையை ஆய்வு செய்து சர்வதேச நீதிமன்றம் முடிவை எடுக்கிறது. குல்பூஷண் ஜாதவை ஈராக்கில் இருந்து கடத்திவந்து பாகிஸ்தான் சித்தரவதை செய்கிறது என்பது இந்திய தரப்பு குற்றச்சாட்டாகும்.