இந்த நிலையில் கப்பலில் இருக்கும் மேலும் 41 பேருக்கு கொரோனா வைரஸ் தொற்று கண்டறியப்பட்டுள்ளது. இது கப்பலில் இருக்கும் பெரும் கலக்கத்தை ஏற்படுத்தி இருக்கிறது. கொரோனா பாதிப்பு கண்டறியப்பட்ட 41 பேரும் கப்பலில் இருந்து வெளியேற்றப்பட்டு ஆஸ்பத்திரிகளில் தனிமைப்படுத்தப்பட்டு உள்ளனர். இதன் மூலம் டைமண்ட் பிரின்சஸ் சொகுசு கப்பலில் கொரோனா வைரசால் பாதிக்கப்பட்டவர்களின் எண்ணிக்கை 61 ஆக உயர்ந்துள்ளது. இவர்களில் 28 பேர் ஜப்பானியர்கள் ஆவார்கள்.

இதுபோல் கடந்த சில தினங்களுக்கு முன்பு தைவானில் இருந்து ஹாங்காங்கின் கோய் டாக் பகுதிக்கு வந்த வேர்ல்ட் டிரிம் சொகுசு கப்பலில் வந்த மாலுமிகள், பயணிகள் என 3600 பேர் நடுக்கடலில் நிறுத்தப்பட்டு கண்காணிக்கப்பட்டு வருகின்றனர். அவர்களில் 8 பேருக்கு கொரோனா வைரஸ் தொற்று இருப்பது பரிசோதனையில் தெரியவந்துள்ளதாக ஹாங்காங் அதிகாரிகள் தெரிவித்துள்ளனர்.