இந்த பரிசோதனை துல்லியமற்ற ஒன்றாகவோ அல்லது நம்ப முடியாத ஒன்றாகவோ உள்ளது என அவர் கூறியுள்ளார். இந்தியாவில் இருந்து ஆஸ்திரேலியா சென்ற 4 பேர் பெர்த்தில் உள்ள ஓட்டல் ஒன்றில் தங்க வைக்கப்பட்டு உள்ளனர். அவர்களுக்கு கொரோனா பாதிப்பு இருப்பது கண்டறியப்பட்டது.

இதனை தொடர்ந்தே கோவன் இந்த குற்றச்சாட்டை முன்வைத்துள்ளார். ஆஸ்திரேலியாவுக்கு வரும் பலர் இதுபோன்ற கொரோனா பாதிப்புகளை கொண்டிருக்கின்றனர் என சுட்டி காட்டிய கோவன், இது, இந்தியாவின் பரிசோதனை நடைமுறை தோல்வி அடைந்து விட்டது என காட்டுகிறது என்றும் அவர் கூறியுள்ளார்.

விமானம் ஏறுவதற்கு முன் இந்தியாவில் பயணிகளுக்கு நடத்தப்படும் சோதனைகளில் துல்லியத்தன்மை இல்லாதது பற்றியும் அவர் கேள்வி எழுப்பியுள்ளார். அதனுடன், அவசர தேவை இல்லாத சூழலில் ஆஸ்திரேலியர்கள் யாரும் இந்தியாவுக்கு பயணம் செய்ய வேண்டாம் என்றும் அவர் வலியுறுத்தி உள்ளார்.