இதனை தொடர்ந்து கடந்த 2ந்தேதி பாகிஸ்தான், கென்யா, பிலிப்பைன்ஸ் மற்றும் வங்காளதேசம் ஆகிய நாடுகளை இங்கிலாந்து நாடு சிவப்பு பட்டியலில் சேர்த்தது. இந்த பயண தடையானது, கடந்த 9ந்தேதி காலையில் இருந்து அமலுக்கு வந்தது.

இதன்படி, இந்த நாடுகளில் இருந்து இங்கிலாந்து மற்றும் அயர்லாந்து நாட்டு மக்களை தவிர்த்து பிறர் வருவதற்கு தடை விதிக்கப்படும். எனினும், அந்த நாடுகளில் இருந்து வருகிற இங்கிலாந்து மக்கள் 10 நாட்கள் கட்டாயம் ஓட்டல்களில் தங்கியிருக்க வேண்டும் என்றும் உத்தரவு வெளியிடப்பட்டது.

இங்கிலாந்தில் கண்டறியப்பட்ட உருமாறிய கொரோனா பாதிப்புகள் இந்தியாவிலும் சிலரிடம் உறுதி செய்யப்பட்டன. இதுவரை 103 பேருக்கு இந்த வகை கொரோனா தொற்று உறுதியாகி உள்ளது. இதனை முன்னிட்டு இந்தியாவை பயண தடைக்கான சிவப்பு பட்டியலில் இங்கிலாந்து நாடு சேர்த்துள்ளது என அந்நாட்டு சுகாதார மந்திரி மேட் ஹேன்காக் இன்று தெரிவித்து உள்ளார்.