ஈரானின் அணு ஆயுத தவிர்ப்பு ஒப்பந்தத்தில் இருந்து அமெரிக்கா கடந்த 2018-ம் ஆண்டு விலகியது. அத்துடன் ஈரான் மீது மறுபடியும் பொருளாதாரத்தடைகளை விதித்தது. இதையடுத்து ஈரானும் தன் பங்குக்கு படிப்படியாகவும், பகிரங்கமாகவும் தனது அணுசக்தி ஒப்பந்த வரம்புகளை கைவிட்டது.

ஈரானின் 20 சதவீத செறிவூட்டப்பட்ட யுரேனியத்தின் கையிருப்பு 210 கிலோவரை எட்டியுள்ளதாக தெரிய வந்துள்ளது. ஒப்பந்தப்படி 3.67 சதவீதத்துக்கு மேல் யுரேனியம் செறிவூட்ட முடியாது. இதற்கிடையே பல மாத இழுபறிகளுக்கு பின்னர் ஈரானும், ஐரோப்பிய யூனியனும், அமெரிக்காவும் மீண்டும் அணு ஆயுத தவிர்ப்பு தொடர்பாக வியன்னாவில் வரும் 29-ந் தேதி நேரடி பேச்சு வார்த்தையை தொடங்க உள்ளன.