அமெரிக்காவுக்கு எதிரான போரில் “வரலாற்று வெற்றி” - ஈரான் அறிவிப்பு

இதுகுறித்து பாதுகாப்பு கவுன்சில் மேலும் கூறுகையில், “ஆக்கிரமிப்பை நிறுத்தவும், சேதங்களுக்கு இழப்பீடு வழங்கவும், பிராந்தியத்திலிருந்து தனது படைகளை திரும்ப பெறவும் அமெரிக்கா ஒப்புக்கொண்டுள்ளது. ஒரு மாதத்திற்கும் மேலாக அமெரிக்கா போர் நிறுத்தத்திற்கு அழுத்தம் கொடுத்தது. ஆனால் நாங்கள் எங்கள் நாட்டின் நோக்கங்களுக்கு முன்னுரிமை அளித்து, காலக்கெடுவை மீண்டும் மீண்டும் நிராகரித்தோம்.

எதிரியின் வருத்தம் மற்றும் விரக்தி, மற்றும் நாட்டிற்கு நீண்டகால அச்சுறுத்தலை அகற்றுதல் உள்ளிட்ட நோக்கங்கள் நிறைவேறும் வரை போர் தொடரும் என்று ஆரம்பத்திலிருந்தே தீர்மானிக்கப்பட்டது. அதன்படி, நாற்பதாவது நாளான இன்று வரை போர் தொடர்கிறது. அமெரிக்க ஜனாதிபதியால் நிர்ணயிக்கப்பட்ட காலக்கெடுவை ஈரான் மீண்டும் மீண்டும் நிராகரித்துள்ளதுடன், எதிரியின் எந்தவிதமான காலக்கெடுவிற்கும் முக்கியத்துவம் அளிக்காது என்பதைத் தொடர்ந்து வலியுறுத்துகிறது.

போரின் ஏறக்குறைய அனைத்து நோக்கங்களும் நிறைவேற்றப்பட்டுவிட்டன என்ற நற்செய்தியை இப்போது மாபெரும் ஈரான் தேசத்திற்கு நாங்கள் அளிக்கிறோம். உங்கள் வீரமிக்க பிள்ளைகள் எதிரியை வரலாற்றுச் சிறப்புமிக்க கையறுநிலைக்கும் நிரந்தரத் தோல்விக்கும் உள்ளாக்கியுள்ளனர். இன்னும் போர் முடியவில்லை. வரிகளை நீக்குதல் உள்ளிட்ட 10 அம்ச கோரிக்கைகளை அமெரிக்கா ஏற்றுக்கொண்டால் மட்டுமே போர் முடிவுக்கு வரும்” என்று ஈரானின் உச்ச தேசிய பாதுகாப்பு கவுன்சில் தெரிவித்துள்ளது.