அமெரிக்காவில் கொரோனா வைரஸ் பரவலுக்கு மத்தியில், அந்த நாட்டின் பொருளாதாரத்தை புதுப்பிக்கும் முயற்சியின் ஒரு பகுதியாக குடியேற்றமற்ற எச்1பி விசாக்கள், குறைந்த திறன் கொண்ட தொழிலாளர்கள், பயிற்சியாளர்கள், ஆசிரியர்கள் உள்ளிட்டோருக்கான சில வகை வேலை விசாக்களை நிறுத்தி வைத்து கடந்த ஆண்டு ஜூன் மாதம் அப்போதைய ஜனாதிபதி டிரம்ப் உத்தரவிட்டிருந்தார்.

இந்நிலையில் கிரீன் கார்டுக்கு டிரம்ப் நிர்வாகம் விதித்த தடையை புதிய ஜனாதிபதி ஜோ பைடன் ரத்து செய்தார். டிரம்பின் பல சட்டங்களை தொடர்ந்து ரத்து செய்து வரும் ஜோ பைடன், சமீபத்தில் எச்1பி விசா நடைமுறையில் பழைய லாட்டரி முறையே தொடரும் என்று அறிவித்திருந்தார். அதைத் தொடர்ந்து தற்போது கிரீன் கார்டு தடையையும் நீக்கியுள்ளார்.