அல்மேட்டி,
கஜகஸ்தான் நாட்டில் ஆன்-26 ரக ராணுவ போக்குவரத்து விமானம் ஒன்று நூர்-சுல்தான்-அல்மேட்டி வழித்தடத்தில் சென்று கொண்டிருந்தபொழுது, ரேடாரின் கண்காணிப்பில் இருந்து மறைந்தது. இதன்பின்னர் அவசரமாக தரையிறங்கி உள்ளது.
அந்த விமானம், தெற்கே அல்மேட்டி நகரில் உள்ள அல்மேட்டி சர்வதேச விமான நிலையத்தில் ஓடுதளத்தில் தரையிறங்கியபொழுது திடீரென தீப்பிடித்து கொண்டது.
இந்த விபத்தில் 4 பேர் உயிரிழந்தனர். 2 பேர் காயமடைந்துள்ளனர். அவர்கள் உடனடியாக மருத்துவமனைக்கு கொண்டு செல்லப்பட்டனர் என அந்நாட்டு அவசரகால சூழ்நிலைகளுக்கான அமைச்சகம் வெளியிட்ட செய்தி குறிப்பில் தெரிவிக்கப்பட்டு உள்ளது. இதுபற்றி விசாரணையும் நடந்து வருகிறது.