தென் ஆப்பிரிக்காவில் முதன் முதலாக கடந்த நவம்பர் மாதம் 24-ந் தேதி கண்டறியப்பட்ட ஒமைக்ரான் வைரஸ், உலகமெங்கும் அதிதீவிரமாக பரவி வருகிறது.ஜனவரி முதல் வாரத்தில் இந்த வைரஸ், ஐரோப்பாவில் 70 லட்சம் பேருக்கு பாதித்திருக்கிறது. 2 வாரங்களில் 2 மடங்காக இந்த பரவல் அமைந்துள்ளது.

இது குறித்து நிருபர்களிடம் பேசிய உலக சுகாதார அமைப்பின் ஐரோப்பிய பிராந்திய இயக்குனர் டாக்டர் ஹான்ஸ் குளுகே, இந்த பிராந்தியத்தில் உள்ள 26 நாடுகளில் அவற்றின் மக்கள் தொகையில் 1 சதவீதத்துக்கும் அதிகமானோர் ஒவ்வொரு வாரமும் கொரோனாவால் பாதிக்கப்பட்டுள்ளனர். இதனால் நாடுகளின் சுகாதார அமைப்புகள் நிரம்பி வழியும் வாய்ப்பு உள்ளது என கூறினார்.