நேற்று தங்களால் சோதிக்கப்பட்ட கண்டம் விட்டு கண்டம் பாயும் ஏவுகணை கனத்த, பெரிய அணு ஆயுதங்களை ஏந்திச் செல்லும் வல்லமையுடையது என்று வட கொரிய அதிகாரபூர்வ செய்தி நிறுவனம் கூறியுள்ளது. இந்த ஏவுகணை அமெரிக்க மாநிலமான அலாஸ்காவை தாக்கும் ஆற்றல் பெற்றது என்று நிபுணர்கள் கூறுகின்றனர்.

இச்சோதனையை ஒட்டி வட கொரியத் தலைவர் கிம் ஜாங்-அன் அமெரிக்காவுடனான மோதல் இறுதிக் கட்டத்தை எட்டி விட்டதாக கூறியுள்ளார். அத்துடன் இது அமெரிக்கர்களுக்கு சுதந்திர நாள் பரிசு என்றும் அவர் குறிப்பிட்டதாக தெரிகிறது. அமெரிக்க சுதந்திர நாளான ஜூலை 4 அன்று நிகழ்ந்த இந்தச் சோதனை அவர்களுக்கு மிகுந்த மகிழ்ச்சியை அளித்திருக்காது என்றும் அவர் குறிப்பிட்டுள்ளதாக அரசு செய்தி நிறுவனம் கூறியுள்ளது.