அவர் ஜனவரி 2, 2019 அன்று தலைமை நீதிபதியாக பதவியேற்றார் என்பது குறிப்பிடத்தக்கது. அவருக்கு எதிராக 21 குற்றச்சாட்டுகள் முன்வைக்கப்பட்டுள்ளன. ஜனநாயகம், மனித உரிமைகள், சட்டத்தின் ஆட்சி, நீதித்துறை சுதந்திரம் மற்றும் பக்கச்சார்பற்ற தன்மை ஆகியவற்றைப் பாதுகாக்க முடியவில்லை உள்ளிட்டவை குற்றச்சாட்டுகளில் அடங்கும். மேலும், தலைமை நீதிபதியின் உறவினர் ஒருவர் கேபினட் அமைச்சரவையில் மந்திரியாக நியமிக்கப்பட்டதை எதிர்த்து அவருக்கு எதிராக நேபாள வழக்கறிஞர்கள் சங்கம் மூன்று மாதங்களுக்கும் மேலாக போராட்டம் நடத்தியது.

இதனையடுத்து, இந்த பதவி நீக்கத் தீர்மானம் கொண்டு வரப்பட்டுள்ளது. இந்த சர்ச்சையைத் தொடர்ந்து அவர் தனது பதவியை ராஜினாமா செய்தார்.

இதுகுறித்து செய்தியாளர்களிடம் பேசிய சிபிஎன்-மாவோயிஸ்ட் மையத்தின் நாடாளுமன்ற உறுப்பினர் தேவ் குருங், நீதிமன்றம் சரியாகச் செயல்படாததாலும், தலைமை நீதிபதி மீது ஊழல் குற்றச்சாட்டுகள் உள்ளதாலும் அவருக்கு எதிராக பதவி நீக்க தீர்மானம் தாக்கல் செய்யப்பட்டது என்று கூறினார்.

நாடாளுமன்றத்தின் மொத்த உறுப்பினர்களின் எண்ணிக்கையில் குறைந்தபட்சம் மூன்றில் இரண்டு பங்கு பெரும்பான்மையால் இந்த தீர்மானம் நிறைவேற்றப்பட்டால், தலைமை நீதிபதி தனது பதவியில் இருந்து நிரந்தரமாக விடுவிக்கப்படுவார்.

இதனிடையே, சுப்ரீம் கோர்ட்டின் தற்காலிக தலைமை நீதிபதியாக மூத்த நீதிபதி தீப்குமார் கார்க்கி நியமிக்கப்பட்டுள்ளார்.

முன்னதாக 2017ல் இதேபோன்ற சம்பவத்தில், அப்போதைய தலைமை நீதிபதி சுசீலா கார்க்கிக்கு எதிராக பதவி நீக்க தீர்மானம் தாக்கல் செய்யப்பட்டது. அதனை தொடர்ந்து அவர் அப்பதவியில் இருந்து இடைநீக்கம் செய்யப்பட்டார். இருப்பினும், சுப்ரீம் கோர்ட்டின் தடை உத்தரவு மூலம், கார்க்கி மீண்டும் பதவியில் அமர்த்தப்பட்டார். சில மாதங்களுக்குப் பிறகு அவர் ஓய்வு பெற்றார் என்பது குறிப்பிடத்தக்கது.