இது தொடர்பாக அந்த நிறுவனம் நேற்று வெளியிட்ட அறிக்கையில், ஐரோப்பிய ஒன்றியம் மற்றும் இங்கிலாந்தில் இந்த தடுப்பூசி போடப்பட்ட 1.7 கோடிக்கும் மேற்பட்டோரை கவனமாக பரிசோதித்ததில், நுரையீரல் அடைப்பு, ஆழமான நரம்பு பாதிப்பு உள்ளிட்ட எந்தவித பாதிப்பும் அதிக அளவில் இருந்ததற்கான ஆதாரம் இல்லை.

இந்த நாடுகளில் கடந்த 8-ந் தேதி வரை வெறும் 15 நரம்பு பாதிப்பு பிரச்சினையும், 22 நுரையீரல் அடைப்பு பிரச்சினையும் கண்டறியப்பட்டு உள்ளது. இது எதிர்பார்த்ததைவிட மிகவும் குறைவு என கூறியுள்ளது. இந்தியாவில் கோவிஷீல்டு என்ற பெயரில் சீரம் நிறுவனத்தால் தயாரிக்கப்பட்டு வரும் இந்த தடுப்பூசி கடந்த ஜனவரி 16-ந் தேதி முதல் பயன்படுத்தப்பட்டு வருவது குறிப்பிடத்தக்கது.