அமெரிக்காவின் டிரம்ப் டவர் அடுக்கு மாடியில் தீ விபத்து: ஒருவர் பலி

இருப்பினும் தீயணைப்பு வீரர்கள் கடுமையாக போராடி தீயை அணைத்துள்ளனர். இவ்விபத்து குறித்து தீயணைப்பு அதிகாரி டேனியல் நிக்ரோ கூறுகையில், இது மிகவும் கடுமையான நிகழ்வு. நீங்கள் கற்பனை செய்து பாருங்கள் அவ்வளவு பெரிய அடுக்கு மாடி கட்டிடத்தின் 50வது தளத்தில் ஏற்பட்டுள்ள தீ எவ்வளவு மோசமான ஒன்றாக இருக்கும். மேலும் தீயானது மற்ற தளங்களிலும் பரவிக் கொண்டிருந்தது. இருப்பினும் 200 தீயணைப்பு வீரர்கள் ஐந்துக்கும் மேற்பட்ட தீயணைப்பு வாகனங்களின் உதவியோடு தீயை அணைத்துள்ளனர் எனக் கூறினார். இந்நிலையில் இறந்த நபர் 67 வயதுடையவர், தீ விபத்தில் படுகாயமடைந்து சுயநினைவின்றி மருத்துவமனையில் அனுமதிக்கப்பட்டு சிகிச்சை பலனின்றி உயிரிழந்துள்ளார் என்று போலீசார் தெரிவித்தனர்.