டெல் அவிவ் செல்லும் ஏர் இந்தியா விமானம் தங்கள் நாட்டு வான்பரப்பை பயன்படுத்திக்கொள்ள சவூதி அரேபியா அனுமதி

சவூதி அரேபியாவின் இந்த நடவடிக்கையால், புதுடெல்லியில் இருந்து டெல் அவிவ் நகருக்கு செல்லும் பயண தூரம் சுமார் இரண்டரை மணி நேரங்கள் வரை குறையும் என்று தெரிவிக்கப்பட்டுள்ளது.

தற்போது, வரை, இஸ்ரேல் செல்லும் எந்த ஒரு நாட்டு விமானத்துக்கும் சவூதி அரேபியா தங்கள் நாட்டு வான்பரப்பை பயன்படுத்திக்கொள்ள அனுமதிக்கவில்லை. சவூதி அரேபியாவுடன் இஸ்ரேல் தூதரக ரீதியாக எந்த ஒரு தொடர்பையும் வைக்கவில்லை. ஆனால், கடந்த 2015 ஆம் ஆண்டு ஈரான் அணு ஆயுத விவகாரத்தில், இரு நாடுகளும் தங்கள் கவலையை பகிர்ந்து கொண்டன என்பது கவனிக்கத்தக்கது.