* மத்திய ஆப்பிரிக்க நாடான சாத் நாட்டில் ராணுவ முகாம் மீது போகோ ஹரம் பயங்கரவாதிகள் நடத்திய தாக்குதலில் 6 ராணுவவீரர்கள் பலியாகினர்.

* ஜெர்மனியின் பாவரியன் மாகாணத்தில் உள்ள முனிச் நகரை சேர்ந்த ஆண் ஒருவர் கொரோனோ வைரஸ் நோயால் பாதிக்கப்பட்டு இருப்பது உறுதி செய்யப்பட்டு உள்ளது. அவரை மருத்துவமனையில் தனிமைப்படுத்தி வைத்து மருத்துவர்கள் சிகிச்சை அளித்து வருகின்றனர்.

* ஈரான் ராணுவ தளபதி காசிம் சுலைமானி கொல்லப்பட்ட விவகாரத்தில் அமெரிக்கா மற்றும் ஈராக் இடையே மோதல் போக்கு நிலவுகிறது. இதன் எதிரொலியாக ஈராக் நாட்டுக்கு ராணுவ தளவாடங்கள் வழங்குவதை அமெரிக்கா அதிரடியாக நிறுத்தி உள்ளது.

* ரஷியாவின் தெற்கு பகுதியில் உள்ள குரில் தீவில் நேற்று சக்தி வாய்ந்த நிலநடுக்கம் ஏற்பட்டது. இது ரிக்டர் அளவுகோலில் 5.2 புள்ளிகளாக பதிவானது. இந்த நிலநடுக்கத்தால் ஏற்பட்ட சேத விவரங்கள் குறித்து தகவல்கள் இல்லை.