துபாய் நகரில் எக்ஸ்போ 2020 கண்காட்சி கடந்த 1-ந்தேதி தொடங்கியது. இந்த கண்காட்சி அடுத்த ஆண்டு (2022) மார்ச் மாதம் 31-ந்தேதி வரை நடக்க இருக்கிறது. இந்த கண்காட்சியில் உள்ள இந்திய அரங்கில் இந்தியாவின் கலை, கலாசாரம், வர்த்தகம் உள்ளிட்ட பல்வேறு தகவல்கள் இடம் பெற்றுள்ளன.

இந்த அரங்கம் தொடங்கப்பட்டதில் இருந்து அமீரகம், இந்தியா உள்ளிட்ட பல்வேறு நாட்டைச் சேர்ந்த தலைவர்களும், மந்திரிகளும், பொதுமக்களும் பார்வையிட்டு வருகின்றனர். இந்த அரங்கை 28 நாட்களில் 1 லட்சம் பேர் பார்வையிட்டுள்ளனர். தொடர்ந்து இந்த அரங்கை பார்வையிட வரும் பார்வையாளர்களின் எண்ணிக்கை அதிகரித்து வருகிறது.