நேட்டோ தலைவர்களின் உச்சி மாநாட்டில் கலந்துகொள்வதற்காக, துருக்கி அதிபர் பெல்ஜியம் சென்றிருந்தார். அங்கு நடைபெற்ற நேட்டோ அமைப்பின் கூட்டத்தில், உக்ரேனின் பிராந்திய ஒருமைப்பாட்டிற்கு துருக்கியின் ஆதரவை அவர் மீண்டும் ஒருமுறை வலியுறுத்தினார். இந்த செயல்பாட்டில் துருக்கி தன்னால் முடிந்த அனைத்து உதவிகளையும் நடைமுறைப்படுத்தியுள்ளது என்று தெரிவித்தார்.

பின்னர் செய்தியளர்களிடம் அவர் கூறியதாவது, இந்த வார இறுதியில் அல்லது அடுத்த வார தொடக்கத்தில் நான் புதினுடன் பேச்சுவார்த்தை நடத்துவேன்.

அவரிடம், இப்போது நீங்கள் அமைதிக்காக எடுக்க வேண்டிய நடவடிக்கையின் சிற்பியாக இருக்க வேண்டும் என்று தெரிவிப்பேன்.

மேலும், அவரிடம் உக்ரைனிலிருந்து ரஷியா 'கௌரவமாக வெளியேறுதல்' என்பதை பரிந்துரைப்பதன் மூலம் இந்த போரை முடிவுக்குக் கொண்டுவருவதற்கான வழியைக் கண்டுபிடிக்க வேண்டும் என்று தெரிவித்தார்.

கடந்த வாரம் அவர் பேசுகையில், உக்ரைனும் ரஷியாவும் நான்கு விஷயங்களில் உடன்படிக்கைக்கு நெருக்கமாக இருந்தனர்;-

உக்ரைனின் நடுநிலைமை, பகுதியளவு ஆயுதக் குறைப்பு, பாதுகாப்பு உத்தரவாதங்கள் மற்றும் உக்ரைனில் ரஷிய மொழியின் பயன்பாடு உள்ளிட்ட நான்கு விஷயங்களில் உடன்படிக்கைக்கு நெருக்கமாக இருந்தனர்.

ஆனால் கிரிமியா மற்றும் டான்பாஸின் எதிர்கால நிலை குறித்த, ரஷியாவின் கோரிக்கைகள் அமைதிப் பேச்சுவார்த்தைகளில் மிக முக்கியமான கருத்து வேறுபாடாக தொடர்கின்றன.

ரஷியா மற்றும் உக்ரைன் தலைவர்களை துருக்கியில் ஒன்றாகக் கொண்டுவருவதற்கான முயற்சியை மேற்கொண்டு வருகிறேன் என்று தெரிவித்திருந்தார் என்பது குறிப்பிடத்தக்கது.