அதன்படி மியான்மரின் ஜனநாயகம் மற்றும் சட்டத்தின் ஆட்சியை குறை மதிப்புக்கு உட்படுத்துவது மற்றும் அங்கு நடைபெறும் மனித உரிமை மீறல்களுக்கு பொறுப்பான 8 தனிநபர்கள் மீதும், மியான்மர் ராணுவத்துக்கு அதிகப்படியான வருவாய் ஈட்டித்தரும் 3 நிறுவனங்கள் மீதும் ஐரோப்பிய கூட்டமைப்பு பொருளாதார தடைகளை விதித்துள்ளது.

இதுகுறித்து ஐரோப்பிய கூட்டமைப்பு வெளியிட்டுள்ள அறிக்கையில் மியான்மர் ராணுவத்தின் வருவாய்க்கு நேரடியாகவோ அல்லது மறைமுகமாகவோ பங்களிக்கும் நிறுவனங்களை குறி வைப்பதன் மூலம் மியான்மரின் இயற்கை வளங்களில் இருந்து லாபம் ஈட்டும் ஆட்சி குழுவின் திறன் கட்டுப்படுத்தப்படுகிறது. அதேநேரத்தில் மியான்மர் மக்களுக்கு தேவையற்ற தீங்கு விளைவிப்பதை தவிர்ப்பதும் இந்த பொருளாதார தடைகளின் நோக்கமாகும் என தெரிவிக்கப்பட்டுள்ளது.

அதோபோல் இங்கிலாந்து, மியான்மர் ராணுவத்துடன் தொடர்புடைய 4 அரசு நிறுவனங்கள் மீது பொருளாதார தடைகளை அறிவித்துள்ளது. இந்த 4 நிறுவனங்களும் மியான்மர் ராணுவத்துக்கு அதிகப்படியான லாபம் ஈட்டித் தரக்கூடியவை என கண்டறியப்பட்ட பின்பு அவற்றின் மீது இங்கிலாந்து அரசு பொருளாதார தடைகளை விதித்துள்ளது.

இதுபற்றி இங்கிலாந்து வெளியுறவு மந்திரி டொமினிக் ராப் கூறுகையில் இன்று அறிவிக்கப்பட்ட நடவடிக்கைகள் மியான்மரின் ஆட்சியின் பொருளாதார நலனை இலக்கு வைக்கும். இந்த நடவடிக்கை ஆட்சிமாற்றத்தை தொடர்ந்து ராணுவ ஆட்சியை முடுக்கிவிடும் நிதி உதவியை இங்கிலாந்து அனுமதிக்காது என்று ராணுவ ஆட்சிக்குழுவுக்கு ஒரு தெளிவான செய்தியை அனுப்புகிறது என கூறினார்.