அமெரிக்க-சீனப் பிரஜை உட்பட மூன்று பேர் ஈரான் சிறையில் உள்ளனர். சென்ற மாதம் வடகொரியாவில் வார்ம்பியர் எனும் மாணவர் இறந்து போனார். அது போல நியாயமற்ற வகையில் அமெரிக்க பிரஜைகள் வெளிநாட்டு சிறைகளில் அடைக்கப்பட்டுள்ள நிலைக்கு தீர்வு காண அதிபர் விரும்புகிறார் என்று அதிகாரிகள் கூறுகின்றனர்.

ஈரானுடன் அமெரிக்காவிற்கு தூதரக உறவுகளில்லை. ஈரானில் இஸ்லாமிய புரட்சி நிகழ்ந்தப்பிறகு 1980 ஆம் ஆண்டு முதல் தூதரக உறவு முறிந்து போனது. ஒபாமா அரசும், பிற மேலை நாடுகளும் இணைந்து 2015 ஆம் ஆண்டு ஜூலை 14 ஆம் தேதி ஈரானின் அணு சக்தி திட்டங்களை கட்டுப்படுத்தும் திட்டத்தில் கையொப்பமிட்டன. இதன் பிறகு அமெரிக்க ஈரான் உறவில் சிறிது மென்மையான அணுகுமுறை காணப்பட்டது.

அணுசக்தி ஒப்பந்தத்தைக் கடந்து வேறு சில தடைகளை அமெரிக்க அதிபர் விதித்துள்ளார். அதைத் தவிர கைதிகள் விவகாரத்தை கையில் எடுத்துள்ளார் டிரம்ப்.