அவர் தஞ்சம் அடைந்து 6 ஆண்டுகளுக்கு பிறகு ஈகுவேடார் தூதரகத்தில் இருந்து வெளியேற்றப்பட்டார். இந்த நிலையில் அவர் இங்கிலாந்து சிறையில் அடைக்கப்பட்டு உள்ளார். அவர் ஜாமீன் நிபந்தனையை மீறியதாக குற்றம்சாட்டப்பட்டு 50 வாரம் சிறைத்தண்டனை விதிக்கப்பட்டது.

அவர் தற்போது லண்டன் சிறையில் அடைக்கப்பட்டுள்ளார். அவர் ஒரு நாளில் 23 மணி நேரம் தனிமைச்சிறையில் வைக்கப்பட்டுள்ளார் என்றும், இதன் காரணமாக அவரது நிலைமை மோசமடைந்து வருகிறது என்றும் அவரது வக்கீல் கார்லஸ் பவேடா கூறி இருந்தார்.

ஐ.நா.வின் சிறப்பு நிபுணர் நில்ஸ் மெல்சர் கடுமையான கவலை, மன அழுத்தம் மற்றும் உதவியற்ற தன்மை ஆகியவற்றால் அசாஞ்சேயின் உடல்நலம் படிப்படியாக நலிவடைந்து வருகிறது. துல்லியமாக என்ன நடக்கும் என உறுதியாகக் கணிப்பது கடினம் என்றாலும் மாரடைப்பு அல்லது நரம்பு தளர்வு சம்பந்தப்பட்ட உயிருக்கு ஆபத்தான சூழ்நிலையாக விரைவாக உருவாகலாம் என அவர் கூறி இருந்தார்.

இந்த நிலையில், 60-க்கும் மேற்பட்ட டாக்டர்கள் உள்துறை செயலாளருக்கு எழுதிய 16 பக்க கடித நகலை இன்று வெளியிட்டு உள்ளனர். அதில் அவர்கள் ஜூலியன் அசாஞ்சேயின் உடல்நிலை மிகவும் மோசமாக இருப்பதாக கூறி உள்ளனர்.

டாக்டர்கள் இங்கிலாந்தின் உள்துறை மந்திரியின் உள்துறை செயலாளர் பிரிதி படேலுக்கு எழுதிய கடிதத்தில், தென்கிழக்கு லண்டனில் உள்ள பெல்மார்ஷ் சிறையிலிருந்து அசாஞ்சேவை பல்கலைக்கழக போதனா மருத்துவமனைக்கு மாற்றுமாறு கூறி உள்ளனர். இந்த டாக்டர்கள் அமெரிக்கா, ஆஸ்திரேலியா, பிரிட்டன், சுவீடன், இத்தாலி, ஜெர்மனி, இலங்கை, போலந்து ஆகிய நாடுகளைச் சேர்ந்தவர்கள் ஆவார்கள்.

ஜூலியன் அசாஞ்சேயின் உடல் மற்றும் மன ஆரோக்கியம் குறித்த எங்கள் தீவிர கவலைகளை வெளிப்படுத்த டாக்டர்களாக நாங்கள் இந்த கடிதத்தை எழுதி உள்ளோம். அசாஞ்சேவிற்கு உடல் மற்றும் உளவியல் ஆரோக்கிய நிலை குறித்து அவசர நிபுணர் மருத்துவ மதிப்பீடு தேவை என்றும் அதில் கூறி உள்ளனர்.