பிரபல மலையாள நடிகர் கொச்சு பிரேமன் உடல்நலக்குறைவால் மரணம் அடைந்தார். திருவனந்தபுரத்தில் வசித்து வந்த அவருக்கு திடீர் மூச்சுத்திணறல் ஏற்பட்டது. இதையடுத்து அங்குள்ள தனியார் ஆஸ்பத்திரியில் அனுமதித்தனர். டாக்டர்கள் தீவிர சிகிச்சை அளித்தும் பலன் இன்றி கொச்சு பிரேமன் உயிர் பிரிந்தது. அவருக்கு வயது 68. மரணம் அடைந்த கொச்சு பிரேமன் நாடகங்களில் நடித்து 1979-ல் மலையாள படங்களில் நடிக்க தொடங்கினார். அதிக படங்களில் நகைச்சுவை வேடங்களில் நடித்து இருக்கிறார்.ஸ்ரீகிருஷ்ணபுரத்தே நட்சத்திர திலகம், மாட்டுப்பெட்டி மச்சான், இரட்டைக்குட்டிகளுடன் அச்சன், பட்டாபிஷேகம், குரு, தென்காசிப்பட்டணம், கல்யாணராமன், திலகம், திருவனந்தபுரம் லாட்ஜ், ஆர்டினரி, ஒழிமுறி, ஆக்ஷன் ஹீரோ பிஜு, கார்பன், தி ப்ரீஸ்ட் உள்பட 200-க்கும் மேற்பட்ட படங்களில் நடித்துள்ளார். சமீப காலமாக தொலைக்காட்சி தொடர்களில் பிசியாக நடித்து வந்தார். கொச்சு பிரேமன் மறைவுக்கு மலையாள நடிகர் நடிகைகள் உள்ளிட்ட திரையுலகினர் இரங்கல் தெரிவித்து உள்ளனர்.