தானே மாவட்டம் பிவண்டி பகுதியில் போலி வெளிநாட்டு மதுபான பாட்டீல்கள் அதிகளவில் பதுக்கி வைக்கப்பட்டு இருப்பதாக கலால்துறையினருக்கு தகவல் கிடைத்தது. இதையடுத்து அதிகாரிகள், போலீசாருடன் சென்று பிவண்டி, அன்காவ் வாடா ரோடு பகுதியில் உள்ள 3 கடைகளில் சோதனை நடத்தினர். அப்போது அங்கு இருந்த ரூ.55 லட்சத்து 22 ஆயிரத்து 400 மதிப்பிலான 5 ஆயிரத்து 288 போலி வெளிநாட்டு மதுபான பாட்டீல்களை பறிமுதல் செய்தனர். மேலும் சம்பவம் தொடர்பாக பிவண்டியை சேர்ந்த ரமேந்திரகுமார் ரமாகாந்த் (48), ரியாஷ் அலி (55) ஆகியோரை கைது செய்தனர்.