ஈரோட்டில் மருந்து கடையில் தீ விபத்து: நோயாளிகளுக்கு மூச்சு திணறல் ஏற்பட்டதால் பரபரப்பு

ஈரோடு ஈ.வி.என். ரோட்டில் தனியார் மருத்துவமனை செயல்பட்டு வருகிறது. இந்த மருத்துவமனை வளாகத்தில் மருத்துவமனைக்கு சொந்தமான மருந்து கடை இயங்கி வருகிறது. நேற்று முன்தினம் இரவு வழக்கம்போல் பணி முடிந்ததும், மருந்து கடையை பூட்டி விட்டு ஊழியர்கள் வீட்டுக்கு சென்றனர். இந்த நிலையில் நேற்று அதிகாலை சுமார் 5 மணி அளவில் பூட்டப்பட்டு இருந்த மருந்து கடையில் இருந்து கரும்புகை வெளியேறியது. இதனால், மருத்துவமனையில் சிகிச்சை பெற்றுவந்த நோயாளிகளுக்கு கடுமையான மூச்சு திணறல் ஏற்பட்டது.