ஐபிஎல் தொடரில் அடுத்தடுத்த 3 தோல்விகளை எதிர்கொண்டு புள்ளிப்பட்டியலில் கடைசி இடத்தில் இருந்த சென்னை சூப்பர் கிங்ஸ் அணி, நேற்று பஞ்சாப் அணியை பந்தாடியது. 10 விக்கெட்டுகள் வித்தியாசத்தில் பஞ்சாப் அணியை வீழ்த்திய சென்னை அணி மீண்டும் வெற்றிப்பாதைக்கு திரும்பியது.

இதன் மூலம் புள்ளிப்பட்டியலில் 2 இடங்கள் முன்னேறி 6 ஆம் இடத்தில் உள்ளது. சென்னை அணியில் மோசமான பார்ம் காரணமாக விமர்சனத்திற்கு உள்ளான ஷேன் வாட்சன் அதிரடியாக ஆடி 83 ரன்களை குவித்து அசத்தினார். அதேபோல், மற்றொரு துவக்க வீரர் டூபிளஸிஸ் தனது அசத்தல் ஆட்டத்தை நேற்றும் வெளிப்படுத்தினார்.