பெங்களூரு ராயல் சேலஞ்சர்ஸ் அணியின் தலைமை பயிற்சியாளராக சஞ்சய் பாங்கர் நியமனம்

பெங்களூரு அணியின் தலைமை பயிற்சியாளராக இருந்த சிமோன் காடிச் (ஆஸ்திரேலியா) திடீரென விலகியதை அடுத்து சமீபத்தில் ஐக்கிய அரபு அமீரகத்தில் நடந்த 2-வது கட்ட ஐ.பி.எல். போட்டியின் போது அந்த அணியின் கிரிக்கெட் ஆபரேட்டிங் இயக்குனர் மைக் ஹெஸ்சென் (நியூசிலாந்து) தலைமை பயிற்சியாளர் பணியை கூடுதல் பொறுப்பாக கவனித்தார். புதிய தலைமை பயிற்சியாளர் நியமிக்கப்பட்டு விட்டதால் இனிமேல் ஹெஸ்சென் இயக்குனர் பொறுப்பை மட்டும் கவனிப்பார் என்று தெரிவிக்கப்பட்டுள்ளது. சஞ்சய் பாங்கர் அடுத்த 2 ஆண்டுகளுக்கு தலைமை பயிற்சியாளராக இருப்பார் என்று பெங்களூரு அணியின் அதிகாரபூர்வ டுவிட்டர் பக்கத்தில் அறிவிக்கப்பட்டுள்ளது.