கனடா கிரிக்கெட் அணி அடுத்த வாரம் அமெரிக்காவுக்கு சென்று 5 போட்டிகள் கொண்ட 20 ஓவர் தொடரில் ஆடுகிறது. அமெரிக்கா- கனடா இடையிலான முதலாவது 20 ஓவர் போட்டி வருகிற 7-ந்தேதி ஹூஸ்டனில் நடக்கிறது. இந்த தொடருக்கான அமெரிக்க அணி நேற்று அறிவிக்கப்பட்டது.

மோனக் பட்டேல் தலைமையிலான அந்த அணியில் நியூசிலாந்தை முன்னாள் வீரரான கோரி ஆண்டர்சன் இடம் பிடித்துள்ளார். ஆண்டர்சன் சர்வதேச ஒருநாள் போட்டியில் 2014-ம் ஆண்டு வெஸ்ட் இண்டீசுக்கு எதிராக 36 பந்துகளில் சதம் அடித்து கவனத்தை ஈர்த்தவர். ஒருநாள் போட்டியில் அதிவேக சதமாக ஓராண்டுக்கு இச்சாதனை நீடித்தது. நியூசிலாந்து அணிக்காக 13 டெஸ்ட், 49 ஒரு நாள் மற்றும் 31 இருபது ஓவர் போட்டிகளில் விளையாடியுள்ளார்.