அடுத்த சீசனில் மும்பை அணியில் ஹர்திக் பாண்டியாவுக்கு இடமில்லையா? - உண்மையை உடைத்த ஷர்துல்

அடுத்த ஐபிஎல் சீசனில் ஹர்திக் பாண்டியா வேறு அணிக்கு மாற்றப்படப் போகிறார் என்ற வதந்திக்கு பதிலளித்த ஷர்துல், "சமூக வலைத்தளங்களில் எப்போதும் ஏதாவது வதந்திகள் பரவிக்கொண்டேதான் இருக்கும். அதில் சில உண்மையாக இருக்கலாம், சில பொய்யாக இருக்கலாம். ஆனால், இறுதி முடிவை அணி நிர்வாகம் மட்டுமே எடுக்கும்" என்று கூறினார்.

2022-ல் குஜராத் டைட்டன்ஸ் அணிக்குக் கேப்டனாக இருந்து கோப்பையை வென்று கொடுத்து, 2024-ல் மீண்டும் மும்பை அணிக்குத் திரும்பிய ஹர்திக் பாண்டியாவுக்கு இந்த சீசன் மிகக் கடினமாக அமைந்துள்ளது. விளையாடிய 8 போட்டிகளில் வெறும் 146 ரன்கள் மட்டுமே எடுத்துள்ள அவரது ஸ்ட்ரைக் ரேட் 136-ஆகக் குறைந்துள்ளது. பந்துவீச்சிலும் 4 விக்கெட்டுகளை மட்டுமே எடுத்துள்ள அவர், ஓவருக்கு சராசரியாக 12 ரன்களை வாரி வழங்கியுள்ளார்.