டாஸ் ஜெயித்த இந்திய ஏ அணியின் கேப்டன் ரஹானே முதலில் பேட்டிங்கை தேர்ந்தெடுத்தார். டெஸ்ட் போட்டிக்கு தயார்படுத்திக்கொள்வதற்கு ஏதுவாக அமைந்துள்ள இந்த பயிற்சி ஆட்டத்தில் இந்தியாவின் தொடக்க ஆட்டக்காரர்களாக இறங்கிய சுப்மான் கில், பிரித்வி ஷா இருவரும் டக்-அவுட் ஆகி ஏமாற்றினர். ஹனுமா விஹாரி 15 ரன்னில் எல்.பி.டபிள்யூ. ஆனார்.

இதன் பின்னர் புஜாராவும், கேப்டன் ரஹானேவும் கைகோர்த்து சரிவை தடுத்தனர். ஆஸ்திரேலிய வேகப்பந்து வீச்சாளர்கள் நிறைய ஷாட்பிட்ச் பந்துகளை வீசிய போதிலும் அனுபவசாலிகளான இருவரும் திறம்பட சமாளித்தனர். புஜாரா 54 ரன்களில் (140 பந்து, 5 பவுண்டரி) ஆட்டம் இழந்தார். அடுத்து வந்த விக்கெட் கீப்பர் விருத்திமான் சஹாவும் ரன் கணக்கை தொடங்கும் முன்பே வீழ்ந்தார்.