தொடர்ந்து 190 ரன்கள் எடுத்தால் வெற்றி என்ற இலக்குடன் களமிறங்கிய இந்திய அணியில் தவான், கோலி மற்றும் தினேஷ் கார்த்திக் ஒற்றை இழக்க ரன்களில் வெளியேறினர். அடுத்து ரகானேயுடன் ஜோடி சேர்ந்த தோனி அணியை சரிவில் இருந்து மீட்க போராடினார். ரகானே 60 ரன்கள் எடுத்திருந்த நிலையில் ஆட்டமிழந்தார். அதன் பின் வந்தவர்களும் ரன் எடுக்க தவறியதால் இந்திய அணி 49.4 ஓவரில் அனைத்து விக்கெட்களையும் இழந்து 178 ரன்கள் மட்டுமே எடுத்தது. தோனி 54 ரன்கள் எடுத்தார். இதன் மூலம் 11 ரன்கள் வித்தியாசத்தில் மேற்கிந்திய தீவுகள் அணி வெற்றி பெற்றது. 5 விக்கெட்கள் வீழ்த்திய மேற்கிந்திய தீவுகள் அணியின் கேப்டன் ஜேசன் ஹோல்டர் ஆட்டநாயகன் விருது பெற்றார்.

இத்தொடரில் 4 போட்டிகள் முடிந்த நிலையில் இந்திய அணி 2-1 என்று முன்னிலை வகிக்கிறது. ஒரு ஆட்டம் மழை காரணமாக ரத்து செய்யப்பட்டது. கடைசி போட்டி வருகிற ஜூலை 6(வியாழன் கிழமை) நடைபெற உள்ளது.