பின்னர் 135 ரன்கள் எடுத்தால் வெற்றி என்ற இலக்குடன் டெல்லி அணியின் சார்பில் பிரித்வி ஷா மற்றும் ஷிகர் தவான் ஆகியோர் முதலாவதாக களமிறங்கினர். அந்த ஜோடியில் பிரித்வி ஷா 11 (8) ரன்களில் கேட்ச் ஆனார். அடுத்ததாக ஷிகர் தவானுடன், ஷ்ரேயாஸ் அய்யர் ஜோடி சேர்ந்தார். சீரான இடைவெளியில் ரன்களை குவித்து வந்த இந்த ஜோடியில் ஷிகர் தவான் 42 (37) ரன்களில் ஆட்டமிழந்தார். அடுத்ததாக ஷ்ரேயாஸ் அய்யருடன், கேப்டன் ரிஷப் பந்த் ஜோடி சேர்ந்தார். அதிரடி ஆட்டத்தை வெளிப்படுத்திய இந்த ஜோடி, அணியை வெற்றி பாதைக்கு அழைத்துச் சென்றனர்.

இறுதியில் ஸ்ரேயாஸ் அய்யர் 47 (41) ரன்களும், ரிஷப் பந்த் 35 (21) ரன்களும் எடுத்து கடைசிவரை ஆட்டமிழக்காமல் களத்தில் இருந்தனர். முடிவில் டெல்லி அணி 17.5 ஒவர்களில் 2 விக்கெட்டுகளை மட்டுமே இழந்து 139 ரன்கள் எடுத்தது. ஐதராபாத் அணியின் சார்பில் அதிகபட்சமாக கலில் அகமது மற்றும் ரஷித் கான் ஆகியோர் தலா ஒரு விக்கெட் வீழ்த்தினர். இதன்மூலம் சன்ரைசர்ஸ் ஐதராபாத் அணிக்கு எதிரான ஆட்டத்தில் 8 விக்கெட்டுகள் வித்தியாசத்தில் டெல்லி கேப்பிட்டல்ஸ் அணி வெற்றிபெற்றது.