இதே போல் ஆல்-ரவுண்டர்கள் லலித்யாதவ் (9 ஆட்டத்தில் 137 ரன் மற்றும் 4 விக்கெட்), ஷர்துல் தாக்குரிடம் (89 ரன் மற்றும் 7 விக்கெட்) இருந்து இதுவரை மெச்சும்படியான பங்களிப்பு இல்லை. அணியில் இடத்தை தக்கவைக்க அவர்கள் சாதிக்க வேண்டிய நெருக்கடியில் உள்ளனர்.

முன்னாள் சாம்பியனான ஐதராபாத் அணி 9 ஆட்டங்களில் ஆடி 5 வெற்றி, 4 தோல்வி என்று 10 புள்ளிகளுடன் இருக்கிறது. கடந்த இரு ஆட்டங்களில் குஜராத் மற்றும் சென்னை சூப்பர் கிங்சிடம் தோல்வி கண்டது. இவ்விரு ஆட்டங்களிலும் ஐதராபாத்தின் அசுரவேக பந்து வீச்சை எதிரணி பேட்ஸ்மேன்கள் துவம்சம் செய்தனர்.

இப்போது சரிவில் இருந்து எழுச்சி பெற்று வெற்றிப்பாதைக்கு திரும்ப வேண்டிய கட்டாயத்தில் உள்ளனர். பேட்டிங்கில் வில்லியம்சன், அபிஷேக் ஷர்மா, திரிபாதி, மார்க்ராம், பூரன், பந்து வீச்சில் புவனேஷ்வர்குமார், நடராஜன், உம்ரான் மாலிக் உள்ளிட்டோர் ஒருசேர மிரட்டினால் போதும். ஐதராபாத் மறுபடியும் கோலோச்ச தொடங்கி விடும்.