இதில் 2018-ம் ஆண்டு நடந்த டெஸ்டில் 208 ரன்கள் இலக்கை நோக்கி ஆடிய இந்தியா 135 ரன்னில் சுருண்டு தோற்றதும் அடங்கும். இதே போல் பாகிஸ்தான், இலங்கை அணிகள் தலா 4 டெஸ்டுகளில் விளையாடி அனைத்திலும் தோற்று இருக்கிறது.

தென்ஆப்பிரிக்காவின் கோட்டை என்று வர்ணிக்கப்பட்ட செஞ்சூரியனில் இந்தியா முதல்முறையாக அந்த அணியை தோற்கடித்து வரலாறு படைத்தது. இதே போல் கேப்டவுனிலும் இந்தியா முழுமையாக கோலோச்சி புதிய சரித்திரம் படைக்குமா? என்று ரசிகர்கள் ஆவல் கொண்டுள்ளனர். கேப்டவுனில் இந்திய தரப்பில் சச்சின் தெண்டுல்கர் (2 முறை), வாசிம் ஜாபர், முகமது அசாருதீன் ஆகியோர் சதம் அடித்திருப்பது குறிப்பிடத்தக்கது.