டெஸ்ட் கிரிக்கெட் போட்டியை பொறுத்தமட்டில் இந்திய சுழற்பந்து வீச்சாளர் அஸ்வின், ஆஸ்திரேலிய சுழற்பந்து வீச்சாளர் நாதன் லயன் ஆகியோரில் சிறந்த ஆப்-ஸ்பின்னர் யார்? என்று சமூக வலைத்தளம் மூலம் ரசிகர் ஒருவர் ஆஸ்திரேலிய கிரிக்கெட் அணியின் முன்னாள் சுழற்பந்து வீச்சாளர் பிராட் ஹாக்கிடம் கேள்வி எழுப்பினார்.

அதற்கு அவர் அளித்த பதிலில், டெஸ்ட் கிரிக்கெட் போட்டியில் சிறந்த ஆப்-ஸ்பின்னர் என்ற பொறுப்பை அஸ்வினிடம் இருந்து கடந்த ஆண்டில் நாதன் லயன் எடுத்துக்கொண்டார் என்று நான் நினைக்கிறேன். இருப்பினும் இருவரும் மெத்தனம் காட்டாமல் தங்கள் ஆட்டத்தில் தொடர்ந்து முன்னேற வேண்டும் என விரும்புகிறேன் என்று தெரிவித்தார்.