இந்திய மகளிர் கிரிக்கெட் அணி இங்கிலாந்தில் சுற்றுப்பயணம் மேற்கொண்டு விளையாடி வருகிறது. இதில், இந்தியா மற்றும் இங்கிலாந்து அணிகள் இடையே 3 போட்டிகள் கொண்ட ஒரு நாள் தொடர் நடத்தப்பட்டு வருகிறது. இதன் முதலாவது ஆட்டம் பிரிஸ்டலில் நடந்தது.

முதலில் பேட்டிங் செய்த இந்திய பெண்கள் அணியின் கேப்டன் மிதாலி ராஜ், அதிரடியாக அடித்து ஆடினார். அவர் 41.1வது ஓவரில் அரை சதம் விளாசினார். இங்கிலாந்தில் 50 ரன்களுக்கு மேல் அவர் எடுத்தது இது 13வது முறையாகும். அதன்பின் 72 ரன்கள் (108 பந்துகள், 7 பவுண்டரிகள்) எடுத்து போல்டானார்.