இந்தியன் பிரிமீயர் லீக் (ஐபிஎல் 2023) தொடரி வரும் 31ம் தேதி தொடங்க உள்ளது. தொடக்க ஆட்டத்தில் சென்னை-குஜராத் அணிகள் மோத உள்ளன. இந்த வருட ஐபிஎல் தொடரில் இருந்து பல முன்னணி வீரர்கள் காயம் காரணமாக விலகி உள்ளனர்.

இதில் ராஜஸ்தான் அணிக்காக விளையாடி வந்த வேகப்பந்து வீச்சாளர் பிரசித் கிருஷ்ணாவும் ஒருவர். முதுகில் ஏற்பட்ட காயத்திற்காக பிரசித் கிருஷ்ணா அறுவை சிகிச்சை மேற்கொள்ளவுள்ளார். அதிலிருந்து அவர் குணம் அடைய சில வாரங்கள் ஆகும் என்பதால் நடப்பு சீசனில் பிரசித் கிருஷ்ணா பங்கேற்க மாட்டார் என்று ராஜஸ்தான் ராயல்ஸ் அணி நிர்வாகம் அறிவித்துள்ளது.