கடந்த 5 ஆண்டுகளாக இந்திய அணி மிகுந்த ஆர்வத்துடன் செயல்பட்டு வருகிறது. இந்த மாதிரி நன்றாக விளையாடும் அணிக்கு ஆதரவாக எல்லோரும் இருக்க வேண்டியது முக்கியம். அதனை விடுத்து தொல்லை கொடுக்கக்கூடாது. இந்திய அணி இதுபோல் நிலையாக சிறப்பான ஆட்டத்தை அளித்ததை நான் ஒருபோதும் பார்த்தது கிடையாது. 1980-களில் வெஸ்ட்இண்டீஸ் அணியும், 2000-ம் ஆண்டுகளில் ஆஸ்திரேலிய அணியும் அபாரமாக செயல்பட்டது போல் இந்திய அணி ஆதிக்கம் செலுத்த வாய்ப்பு இருக்கிறது. அதனை ஏற்கனவே செய்ய தொடங்கி விட்டோம். 20 ஓவர், ஒருநாள் மற்றும் டெஸ்ட் போட்டிகளில் நாங்கள் சிறப்பாக செயல்பட்டு வருகிறோம். இவ்வாறு ரவிசாஸ்திரி கூறினார்.