தொடக்க ஆட்டக்காரர்களை இழந்து அணி சற்று தடுமாறிய நிலையில், அடுத்து களமிறங்கிய ராதாகிருஷ்ணன் நிலைத்து நின்று ஆடி அணியை சரிவில் இருந்து மீட்டார். 54 பந்துகளில் 7 பவுண்டரிகள், 3 சிக்சர்களை பறக்கவிட்டு 82 ரன்களை சேர்த்த ராதாகிருஷ்ணன், இறுதி வரை அவுட் ஆகாமல் களத்தில் இருந்தார்.

சசிதேவ் ஆரம்பத்தில் கொஞ்சம் தடுமாறினாலும், சற்று நிதாமனாக ஆடி 29 பந்துகளில் 23 ரன்கள் எடுத்த நிலையில் மதினாணன் பந்துவீச்சில் விக்கெட்டை இழந்தார். ராஜகோபால் சதீஷ் 29 ரன்களுடன் ஆட்டமிழக்காமல் இறுதிவரை களத்தில் இருந்தார். 20 ஓவர்கள் முடிவில் சேப்பாக் சூப்பர் கில்லீஸ் அணி 3 விக்கெட்டுகளை இழந்து 153 ரன்கள் சேர்த்தது. திருச்சி அணியில் அதிகபட்சமாக சரவணன் குமார் 2 விக்கெட்டுகளை வீழ்த்தியுள்ளார்.