ஆனால், அது அவரது காலின் பெருவிரலில் பட்டது. இதனால் வலியில் சங்கர் துடித்துள்ளார். எனினும், கவலைப்படுவதற்கு எதுவுமில்லை என அணி சார்பில் தெரிவிக்கப்பட்டு உள்ளது. இவர் பேட்ஸ்மேனாக இருப்பதுடன், மிதவேக பந்து வீச்சாளராகவும் உள்ளார். பாகிஸ்தானுக்கு எதிரான போட்டியில் அந்த அணியின் கேப்டன் சர்ப்ராஸ் அகமது உள்பட 2 முக்கிய விக்கெட்டுகளை வீழ்த்தினார்.

ஆஸ்திரேலியாவுக்கு எதிரான போட்டியில் கம்மின்ஸ் வீசிய பந்தில் ஷிகர் தவானுக்கு கையில் காயம் ஏற்பட்டது. ஸ்கேன் பரிசோதனையில் அவரது இடது கை பெருவிரலில் சிறிய அளவில் எலும்பு முறிவு ஏற்பட்டிருப்பது கண்டுபிடிக்கப்பட்டது. அவரால் 3 ஆட்டங்களில் விளையாட முடியாது என்று அணி தெரிவித்தது.