’ஆல்-ரவுண்ட்’ ஆட்டம் - பாராட்டிய சிவம் துபே... உணர்ச்சிவசப்பட்ட அர்ஜுன் டெண்டுல்கர்

பந்துவீச்சில் கலக்கிய அர்ஜுன்

பந்த்ரா பிளாஸ்டர்ஸ் அணிக்கு எதிரான நேற்றைய ஆட்டத்தில் அர்ஜுன் டெண்டுல்கர், ஒரு மெய்டன் ஓவர் உட்பட 3 ஓவர்களில் வெறும் 11 ரன்கள் மட்டுமே விட்டுக்கொடுத்து 3 விக்கெட்டுகளை கைப்பற்றினார். இதன் மூலம் எதிரணி 9 விக்கெட் இழப்புக்கு 144 ரன்கள் மட்டுமே எடுத்தது.

அரைசதம் விளாசிய அதிரடி இன்னிங்ஸ்

145 ரன்கள் என்ற இலக்கை நோக்கி களமிறங்கிய ஆர்க்ஸ் அந்தேரி அணிக்கு ஆரம்பத்திலேயே ஒரு விக்கெட் சரிந்தது. தொடக்க வீரர் திவ்யான்ஷ் சக்சேனா 26 ரன்களில் வெளியேறினார். இதையடுத்து அர்ஜுன் மற்றும் முஷீர் கான் இணைந்து ஆட்டத்தின் போக்கை மாற்றினர். இருவரும் இணைந்து 2-வது விக்கெட்டுக்கு 116 ரன்கள் சேர்த்து வெற்றியை எளிதாக்கினர். அர்ஜுன் 34 பந்துகளில் 66 ரன்கள் விளாசி ஆட்டமிழக்காமல் இருந்தார். மறுமுனையில் முஷீர் கான் 38 பந்துகளில் 54 ரன்கள் எடுத்தார்.