இதன்படி முதலில் ஆடிய குஜராத் ஜெயன்ட்ஸ் அணி 20 ஓவர்களில் 9 விக்கெட்டுக்கு 174 ரன்கள் எடுத்தது. பெத் மூனி (58 ரன்), அனுஷ்கா ஷர்மா (39 ரன்) தவிர மற்றவர்கள் சோபிக்கவில்லை. டெல்லி தரப்பில் ஸ்ரீசரனி 4 விக்கெட்டும், சினெலி ஹென்றி 2 விக்கெட்டும் வீழ்த்தினர்.பின்னர் ஆடிய டெல்லி அணி 20 ஓவர்களில் 8 விக்கெட்டுக்கு 171 ரன்களே எடுத்தது. இதனால் குஜராத் அணி 3 ரன் வித்தியாசத்தில் திரில் வெற்றி பெற்றது.. அதிகபட்சமாக நிக்கி பிரசாத் 47 ரன்கள் எடுத்தார். குஜராத் தரப்பில் சோபி டிவைன் 4 விக்கெட்டும், ராஜேஸ்வரி கெய்க்வாட் 3 விக்கெட்டும் கைப்பற்றினர்.