இறுதியில் இந்திய அணி 50 ஓவர்கள் முடிவில் 7 விக்கெட் இழப்பிற்கு 274 ரன்கள் குவித்தது. 275 ரன்கள் எடுத்தால் வெற்றி என்ற இலக்குடன் தென் ஆப்பிரிக்கா அணி களமிறங்கியது. தென் ஆப்பிரிக்க அணியின் தொடக்க வீராங்கணை லாவ்ரா 80 ரன்கள் குவித்து அசத்தினார். மிக்னன் டு ப்ரீஸ் கடைசி வரைசி களத்தில் நின்று 52 ரன்கள் குவித்தார்.

தென் ஆப்பிரிக்க அணிக்கு ஒருபுறம் ரன்கள் சேர்ந்தாலும், மறுபுறம் சீரான இடைவேளையில் விக்கெட்டுகள் விழுந்த வண்ணம் இருந்தது. ஆட்டத்தில் கடைசி பந்து வரை பரபரப்பு நிலவியது. தென் ஆப்பிரிக்க அணியின் வெற்றிக்கு கடைசி இரு பந்துகளில் இரண்டு ரன்கள் தேவைப்பட்ட நிலையில், நேர்த்தியாக இரு பந்துகளிலும் நேர்த்தியாக தலா ஒரு ரன்கள் எடுத்து 3 விக்கெட் வித்தியாசத்தில் இந்தியாவை வீழ்த்தி வெற்றி பெற்றது.

இதனால் வெற்றிக்காக கடைசி வரை போராடிய இந்திய அணி நூலிழையில் வெற்றியை தவறவிட்டதன் மூலம் உலகக்கோப்பையில் அரையிறுதி செல்லும் வாய்ப்பையும் இழந்தது. இந்திய அணி தோல்வியை தழுவியதன் மூலம் வெஸ்ட் இண்டீஸ் அணி கடைசி அணியாக அரையிறுதிக்குள் நுழைந்தது.