சென்னை,

சென்னை மாவட்ட கைப்பந்து சங்கம் சார்பில், டாக்டர் ரெலா இன்ஸ்டிடியூட் மற்றும் மருத்துவ மையம், ஆச்சி மசாலா நிறுவனம் ஆகியவை ஆதரவுடன் ஏ டிவிசன் கைப்பந்து லீக் போட்டி அரும்பாக்கத்தில் உள்ள டி.ஜி.வைஷ்ணவா கல்லூரி மைதானத்தில் நடந்து வருகிறது. இதில் 4-வது நாளான நேற்று நடந்த லீக் ஆட்டம் ஒன்றில் சுங்க இலாகா அணி 22-25, 25-17, 25-15, 25-15 என்ற செட் கணக்கில் செயின்ட் ஜோசப்ஸ் என்ஜினீயரிங் கல்லூரி அணியை வீழ்த்தியது.

மற்றொரு ஆட்டத்தில் வருமான வரி அணி 25-19, 25-16, 17-25, 25-12 என்ற செட் கணக்கில் சேப்பாக் பிரண்ட்ஸ் அணியை தோற்கடித்தது.

இன்று நடைபெறும் ஆட்டங்களில் சுங்க இலாகா-எஸ்.ஆர்.எம். பல்கலைக்கழகம் (மாலை 4.30 மணி), வருமான வரி-செயின்ட் ஜோசப்ஸ் என்ஜினீயரிங் கல்லூரி (மாலை 6 மணி) அணிகள் சந்திக்கின்றன.