கான்பெடரேஷன் கோப்பை கால்பந்து போட்டிகள் ரஷ்யாவில் நடந்து வருகிறது. இதில் ரஷ்யா, ஜெர்மெனி, ஆஸ்திரேலியா உட்பட 8 அணிகள் பங்குபெற்றன. இத்தொடரின் இறுதி போட்டி நேற்று நடைபெற்றது.

இப்போட்டியில் உலக சாம்பியனான ஜெர்மெனி அணி கோபா அமெரிக்க சாம்பினான சிலியை எதிர்கொண்டது. ஆட்டத்தின் தொடங்கிய 20வது நிமிடத்திலேயே ஜெர்மெனியின் லார்ஷ் ஸ்டிண்டில் தனக்கு கிடத்த வாய்ப்பை கோலாக மாற்றினார். இதன் மூலம் ஜெர்மெனி 1-0 என்று முன்னிலை பெற்றது. அதன் பின்னர் இரு அணிகளுமே வேறு கோல் அடிக்கததால் ஜெர்மெனி அணி வெற்றி பெற்றது. இது ஜெர்மெனி அணியின் முதல் கான்பெடரேஷன் கோப்பை சாம்பியன் பட்டமாகும். கடந்த வெள்ளி கிழமை போலாந்தில் நடைபெற்ற 21 வயதிற்க்கு உட்பட்டோருக்கான ஐரோப்பிய கால்பந்து சாம்பியன்ஷிப் போட்டியிலும் ஜெர்மெனி அணி சாம்பியன் பட்டம் வென்றது. இதனால் ஜெர்மெனியின் ரசிகர்கள் மட்டும் வீரர்கள் இரட்டிப்பு மகிழ்ச்சியில் உள்ளனர்.