டெக்சாஸ்,
உலகக் கோப்பை, யூரோ கோப்பை கால்பந்து தொடருக்கு அடுத்து புகழ்பெற்ற கோபா அமெரிக்க கால்பந்து தொடர் அமெரிக்காவில் நடைபெற்று வருகிறது. இந்த தொடர் கடந்த 1916-ம் ஆண்டு முதல் நடத்தப்பட்டு வருகிறது. இந்த தொடர் வரும் ஜூலை 15-ம் தேதி வரை நடைபெறுகிறது.
இந்நிலையில் இந்த தொடரில் இன்று நடைபெற்ற ஒரு ஆட்டத்தில் உருகுவே - பொலிவியா அணிகள் மோதின. இந்த ஆட்டத்தில் ஆரம்பம் முதலே அபாரமாக செயல்பட்ட உருகுவே அணி முதல் பாதி ஆட்ட நேர முடிவில் 2-0 என முன்னிலை பெற்றது.
இதையடுத்து தொடர்ந்து நடைபெற்ற 2வது பாதி ஆட்டத்தில் உருகுவே வீரர்கள் அபாரமாக செயல்பட்டனர். இரண்டாம் பாதி ஆட்டத்தில் உருகுவே அணி மேலும் 3 கோல்களை அடித்து அசத்தியது. இறுதியில் ஆட்ட நேர முடிவில் உருகுவே அணியை 5-0 என்ற கோல் கணக்கில் வீழ்த்தி அபார வெற்றி பெற்றது. பொலிவியா அணி கோல் அடிக்க எடுத்த முயற்சிகளுக்கு இறுதி வரை பலன் கிடைக்கவில்லை.